Bram Nuytinck

Bram Nuytinck (talaffuzi: Bram Noytink; 1990-yil 4-mayda Gollandiyaning Xyomen shahrida tugʻilgan) — gollandiyalik futbolchi, „Udinese“ futbol klubida yarim himoyachi sifatida oʻynaydi.

Klublardagi faoliyati

Bram „NEC“ futbol akademiyasiga 2001-yilda qoʻshilgan. 2009-yilning bahorida jamoa murabbiyi Mario Ben Nuytinckni mavsum uchun tarkibga kiritgan va shundan soʻng Bram klub bilan birinchi professional shartnomasini imzolagan.

2009-yil 23-dekabrda u Gollandiya kubogi doirasidagi „Groningen“ futbol klubiga qarshi o‘yinda ilk jamoadagi debyutini o‘tkazgan. 2010-yil 30-yanvarda Nuytinck Erediviziyadagi debyutini „Sparta“ futbol klubiga qarshi bahsda o‘tkazgan. 12-fevral kuni „Breda“ futbol klubiga qarshi oʻyinda u „dubl“ni amalga oshirib, klubdagi ilk gollarini urgan.

2012-yil 31-avgustda Nuytinck Belgiyaning „Anderlecht“ futbol klubi bilan shartnoma imzolagan. Transfer summasi 3 million yevroni tashkil qilgan. 15-sentabr kuni „Lierse“ futbol klubiga qarshi oʻyinda u Yupil ligada debyut qilgan. Uch kundan soʻng, „Milan“ futbol klubiga qarshi bahsda, Bram Chempionlar ligasida debyut qilgan. 2013-yilning 1-aprelida „Genk“ futbol klubiga qarshi o‘yinda Nuytinck klub uchun birinchi golini urgan.

2017-yilning yozida Bram Italiyaning „Udinese“ jamoasiga o'tgan. Transfer summasi 3 million yevroni tashkil qilgan. 20-avgust kuni „ChievoVerona“ futbol klubiga qarshi o'yinda u Italiya A seriyasida debyut qilgan. 27-avgust kuni „SPAL“ futbol klubiga qarshi kechgan bahsda Nuytinck “Udinese” futbol klubi safidagi ilk golini urgan.

Xalqaro faoliyati

2010-yil 2-sentyabrda Nuytinck Gollandiya yoshlar terma jamoasi safida Ispaniyaga qarshi oʻyinda debyut qilgan. 2012-yil 7-sentyabrda yoshlar o‘rtasidagi Yevropa chempionati saralash bosqichida Avstriyaga qarshi o‘yinda u yoshlar jamoasi safidagi ilk golini urgan.

Statistika

Manbalar

uz.wikipedia.org