BRAGUYLAR

BRAGUYLAR — Pokistondagi xalq. Asosan balujiston va sind viloyatlarida (750 ming kishi), Eron va Afg’onistonda ham yashaydi. Umumiy soni 835 ming kishi (1992). Braguy tilida so’zlashadi. Dindorlari — musulmon sunniylar. Balujistonni inglizlar bosib olguniga qadar Braguylar bu o’lkada hukmron elat bo’lib, ular orasidan 1666 yildan baluj va braguy qabilalari Konfederatsiyasini boshqargan Kalat xonlari kelib chiqqan.

Manba

O'zbekiston Milliy Ensiklopediyasi