Bradley James
Bradley James (1983- yoki 1984-yilda tug'ilgan) — ingliz aktyori. U BBC telekanalidagi (Amerikadagi NBC) Merlin serialida Artur Pendragon, Damienda Damien Thorn, Underworld: Blood Warsda Varga; Medici: The Magnificent (2018–2020) da Giuliano de' Medici va The Liberator (2020) filmida Brigadr General Felix Sparks rollari bilan mashhur.
Yoshlik va ta'lim
James Angliyaning Devon grafligidagi Ekseter shahrida tug'ilgan. U 9 yoshligida oilasi Florida shtatining Jacksonville shahriga ko'chib o'tishidan oldin Viltshirdagi Shimoliy Bradleyda yashagan. U o'sha vaqt davomida, Angliyaga qaytib, Staffordshir grafligi Madeley shahrida joylashgan Madeley o'rta maktabida o'qishga kirishishidan oldin,Crown Point boshlang'ich maktabi va Fletcher o'rta maktabida o'qigan. 2004-yildan 2007-yilgacha James London Drama Centerda qatnashib, aktyorlik bo'yicha bakalavriatni tamomlagan.
Karyera
James birinchi marta 2008-yilda Lewis teleseriali epizodlaridan birida paydo bo'lgan va o'sha yili BBC Three komediya-drama filmi Dis/Connectedda Ben Devis rolini o'ynagan. Dis/Connected filmidagi chiqishidan soʻng produserlar unga BBC One fantastik teleseriali Merlinda Artur Pendragon rolini ijro ettirishdi. Shou AQSHda mashhur xit serial boʻldi; uning birinchi mavsumi NBC eshittirish tarmog'ida va ikkinchi, uchinchi, to'rtinchi va beshinchi fasllari NBC ning Syfy sho'ba kabel tarmog'ida namoyish etildi. Merlin o'zining 5 yillik faoliyatini 2012-yilda yakunladi. James 2009-yilda BBC Wales, The Real Merlin & Artur uchun Artur afsonalarini o'rganishga bordi
James, shuningdek, 2014-yilda Emmi mukofotiga sazovor boʻlgan “Homeland” nomli siyosiy triller teleserialining toʻrtinchi mavsumida mehmon sifatida Edgar rolini oʻynagan.
2015-yilda James “Underworld: Blood Wars.” filmida yovuz qahramon rolini oʻynadi. O'sha yili u iZombie teleserialida bosh qahramon Livni sevuvchi Lowell Tracey rolida paydo bo'ldi. U "Omen" film seriyasining davomi sifatida Glen Mazzara tomonidan yaratilgan "Damien " teleserialida bosh qahramon Damien Thorn rolini o'ynadi. Shou 2016-yil mart oyida debyut qilgan.
2018-yilda James “Medici: The Magnificent” filmida Lorenzo de’ Medici rolidagi Daniel Sharman bilan birga Juliano de’ Medici rolini ijro etdi.
2020-yilda James Alex Kershaw kitobi asosida Netflixning Ikkinchi jahon urushi haqidagi toʻrt qismli dramasi “The Liberator” filmida amerikalik urush qahramoni Felix Sparks bosh rolini oʻynadi. Bu eng so'nggi CGIni jonli ijro bilan birlashtiruvchi yangi rivojlangan gibrid texnologiya - Trioscopeda ishlab chiqarilgan birinchi loyiha.
Filmografiya
Film
Televizion
Havolalar
Havolalar
uz.wikipedia.org