BOYKEN

BOYKEN — serhosil qishki olma navi. O’zbekistonda 19-asr oxiridan boshlab tarqalgan. 50-yillargacha ko’p ekilgan. Sovuqqa chidamli, ko’chati o’tqazilgach, 6—7 yili hosilga kiradi. Daraxtining bal. 7-8 metr, shox shabbasining eni 5-6 metr, mevasi 250-300 gramm, och sariq, quyoshga qaragan tomoni qizg’ish, eti oq, qimizak; sentabr oxirida uzib, martgacha saklash mumkin. Tupidan 500— 550 kilogramm hosil olinadi. O’zbekistonning hamma viloyatlari uchun rayonlashtirilgan. Hozir kam uchraydi.

Manba

O'zbekiston Milliy Ensiklopediyasi