Botti Biabi
Botti Boulenin Biabi (talaffuzi: Botti Boilenin Biyabi) (1996-yil 8-martda tugʻilgan) — shotlandiyalik professional futbolchi. Botti Biabi „Brechin City“ futbol klubida hujumchi sifatida oʻynaydi. Botti Biabi futbolchilik faoliyati davomida „Falkirk“, „Swansea City“, „Hamilton Academical“, „Macclesfield Town“, „Ebbsfleet United“, „Stenhousemuir“ va „Kelty Hearts“ futbol klublarida oʻynagan edi.
Faoliyati
Falkirk
Botti Biabi Londonda tugʻilgan. Botti Biabi oliasi bilan 12 yoshida Shotlandiyaga koʻchib oʻtgan va Glasgowning Scotstoun hududida oʻsgan. Bu yerda Botti Biabi Knightswood oʻrta maktabida oʻqigan va shaharning uy-joy massivlarida sobiq Shotlandiya milliy futbol terma jamoasi futbolchisi Andy McLaren tashkil qilgan yoshlar uchun trening dasturida ishtirok etgan. Botti Biabi „Falkirk“ futbol klubi bilan 16 yoshida shartnoma imzolashga muvaffaq boʻldi. Botti Biabi jamoadagi debyut oʻyinini 2014-yil 6-may kuni „Queens of the South“ futbol klubiga qarshi pley-off bosqichida oʻtkazdi. Mavsum oxirida Botti Biabi „Falkirk“ futbol klubi tarkibida barcha musobaqalarda 32 ta oʻyin oʻtkazdi.
Swansea City
Botti Biabi 2015-yilning 17-avgustida „olti raqamli toʻlov“ evaziga Angliya Premyer-ligasining „Swansea City“ futbol klubi tarkibiga qoʻshilishga rozilik bildirdi va u yerda Botti Biabi klubning 21 yoshgacha boʻlgan futbolchilar jamoasiga qoʻshildi.
2017-yilning 31-avgustida Botti Biabi Shotlandiya Premyer-ligasi vakili „Hamilton Academical“ futbol klubi bilan toʻrt oylik ijara shartnomasi imzoladi.
2019-yilning 31-yanvarida Botti Biabi „Swansea City“ futbol klubi bilan bir yillik shartnoma imzoladi va 2018—2019-yilgi mavsumning qolgan qismida ijara asosida „Macclesfield Town“ futbol klubi safiga qoʻshildi.
Botti Biabi 2019-yil iyul oyida klubni tark etdi.
Xalqaro oʻyinlardagi faoliyati
Ota-onasi va tugʻilgan joyi tufayli Botti Biabi Kot-d’Ivuar, Angliya va Shotlandiya milliy futbol terma jamoalari oʻrtasida uch tomonlama tanlov qilish huquqiga ega edi, ammo u oʻzi tarbiyalangan mamlakat Shotlandiya milliy futbol terma jamoasi vakili boʻlishni afzal koʻrdi. Botti Biabi 2014-yil sentyabr oyida Shotlandiyaning 19 yoshgacha boʻlgan oʻsmirlar milliy futbol terma jamoasi yigʻinlariga chaqirilgan edi.
Faoliyat statistikasi
Manbalar
uz.wikipedia.org