BOTKIN SERGEY PETROVICH

BOTKIN SERGEY PETROVICH [1832. 5 (17)9, Moskva — 1889.12(24) 12, Mentona, Peterburgda dafn etilgan] — vrach terapevt, pedagog, jamoat arbobi. 1861 yildan Peterburg Tibbiyot-jarrohlik akademiyasining professor. Botkin tibbiyotda yangi yo’nalish, ya’ni kasallikning paydo bo’lishi va avj olishida nerv sistemasining ahamiyatini izohlovchi “nervizm” nazariyasini yaratdi. Sariq kasalligini chuqur talqin qildi. U organizmni atrof muhit bilan bog’liq yaxlit tarzda o’rgandi. Botkin fikricha, tibbiyot “kasallikning oddini olish va bemorni davolash” haqidagi fandir. Botkin hozirgi zamon terapiyasining nazariy asosini ishlab chiqdi. Ilmiy ishlari yurak-tomirlar sistemasi, jigar, buyrak kasalliklari, dori moddalarning ta’sirini o’rganish, yuqumli kasalliklar, harbiydala terapiyasi va boshqalarga oid.

Manba

O'zbekiston Milliy Ensiklopediyasi