BORJOMI

BORJOMI — Gruziyadagi shahar. Kura va Borjomi daryolari qo’shiladigan yerda, dengiz sathidan taxminan 800 metr balandlikda. Aholisi 19,6 ming kishi (1999). Yozi issiq (iyulning o’rtacha temperaturasi 19°), qishi mo’tadil (yanvarning o’rtacha temperaturasi — 3°); yiliga 595 millimetr yog’in tushadi. Yirik balneologik va iqlimiy kurort, temir yo’l tuguni. Borjomida mineral suvni boshqa shaharlarga yuborish uchun butilkalarga quyish zavodi, teatr va o’lkashunoslik muzeyi bor.

Manba

O'zbekiston Milliy Ensiklopediyasi