BO’RITAROQ

BO’RITAROQ, g’o’zarak (Hibicsus trionum L.) — gulxayridoshlarga mansub bir yillik begona o’t. Poyasi tik o’sadi, bo’yi 10-70 santimetr, sershox. Barglari uch bo’lakli, cho’ziq, tubigacha patsimon bo’lakchalarga ajralgan. Gullari sariq, uzun gulbandlarda yakkayakka joylashgan. Asosida qirmizi rangli dog’lari bor. Mevasi ko’sakcha. Issiq va namsevar o’simlik. Nihollari mart— mayda ko’karadi. Iyun — avgustda gullaydi, iyuldan oktabrgacha mevalaydi. Urug’idan ko’payadi. Bir tupi 15 ming urug’ beradi. Urug’lar tuproqning 6-8 santimetr chuqurligida 57 yilga qadar yashovchanligini saqlab qoladi, harorat 5-6° da unib chiqadi. O’rta Osiyoda sug’orma dehqonchilik rayonlarida ko’p tarqalgan. Bo’ritaroq paxta maydonlari, chopiq qilinadigan ekinlar orasida, shuningdek yo’l, ariq yoqalari, tashlandiq yerlar va bog’larda uchraydi. Kurash choralari: ekish oldidan urug’ni tozalash, yerni boronalash, qator oralariga ishlov berish, maysa Ko’karmasdan gerbitsidlar sepish va boshqalar.

Manba

O'zbekiston Milliy Ensiklopediyasi