BOMBA IRG’ITKICH

---

BOMBA IRG’ITKICH (bombamyot) yaqin masofadan turib jang qilishga mo’ljallangan qurol (kalibri 20-152 millimetr). Bomba irg’itkich dushman askarlarini granatalar va parchalanadigan bombalar (2,5 kilogrammdan 20,7 kilogrammgacha) bilan shikastlantirish uchun ishlatilgan (masalan, 1-jahon urushida). Otish uzoqligi 850 metr. Bomba irg’itkich tuzilishi jihatidan minomyotga o’xshaydi. Snaryadlarning shikastlantirish quvvati juda kichik bo’lganligi uchun Bomba irg’itkich o’rniga minomyot ishlatiladigan bo’ldi.

Manba

---

O'zbekiston Milliy Ensiklopediyasi