BOMARSHE (BEAUMARCHAIS) PER OGYUSTEN KARON DE

BOMARSHE (BEAUMARCHAIS) PER OGYUSTEN KARON DE (1732.24.1— Parij — 1799.18.5) — frantsuz dramaturgi. Dastlabki pyesalari “Yevgeniya” (1767), “Ikki do’st” (1770) da ijtimoiy tengsizlik qoralanadi. “Xotiralar” pamfleti (1773-74) da Bomarshening demokratik qarashlari o’z aksini topgan. “Seviliya sartaroshi” (1775), “Figaroning uylanishi” (1784) Bomarshega jahonshumul shuhrat keltirdi. “Figaroning uylanishi” da yozuvchi oddiy xalq vakili — Figaroning aql-zakovatini ulug’lab, aslzoda Almavivning johil va nodonligidan kuladi. Bomarshe komediyalari jahon teatr sahnalaridan munosib o’rin egallagan. Ular asosida yaratilgan “Seviliya sartaroshi”, “Figaroning uylanishi” operalari Navoiy nomidagi teatrda sahnalashtirilgan.

Manba

O'zbekiston Milliy Ensiklopediyasi