Bolek va Lolek
Bolek va Lolek — xuddi shu nomdagi bolalar animatsion komediya teleserialidagi ikki polshalik multfilm qahramonlaridir. Multfilm muallifi va rejissyori Władysław Nehrebecki, ssenariy mualliflari: Władysław Nehrebecki, Alfred Ledvig va Leshek Lorek hisoblanadi. Multfilm ikki aka-uka (Bolek va Lolek)ning koʻpincha ochiq havoda koʻp vaqt oʻtkazishini oʻz ichiga olgan qiziqarli hamda baʼzan ahmoqona sarguzashtlaridan iborat.
Tarixi
Qahramonlar birinchi marta 1962-yilda animatsion filmda tanishtirilgan. Ularning ismlari Boleslav va Karolning kichraytirilgan shaklidir. Ingliz tilida multfilm
Benny & Lenny, Jym and Jam va Tim & Tom nomi bilan keng tarqatildi. 1973-yilda ayol tomoshabinlarning iltimosiga koʻra,
Tola ismli qiz personaji qoʻshildi. Tola oʻrmonda yashaydi va u yerda aka-uka Bolek va Lolekni uchratadi. Toʻlani hammasi boʻlib 30 ta epizodda koʻrishingiz mumkin.
Mulfilm
"Pushti pantera" teatrlashtirilgan multfilmlariga oʻxshab koʻpchilik epizodlarida dialoglar mavjud emas. Ammo, 1980-yillardagi toʻliq metrajli filmlar va seriallar bundan mustasno. Multfilmdagi bosh qahramonlar ovozini: Bolek — Eva Zlotovska, Ilona Kuśmierska Lolek — Danuta Mancewicz, Danuta Przesmyckalar ijro etishgan.
Polsha Xalq Respublikasi davrida Bolek va Lolek qaxramonlarini turli xildagi oʻyinchoqlar, harakat figuralari, filmlar, otkritkalar, onlayn arkadalar va jumboqlar koʻrish mumkin. Hozir vaqtga kelib qahramonlarni kompyuter dasturlari, rang berish kitoblari, umumiy rasmli kitoblar va oʻyinlarda uchratasiz.
Serial koʻplab mamlakatlarda mashhur boʻlgan va 1979-yildagi Eron inqilobidan soʻng boshqa mashhur Polsha animatsion multfilmi „Reksio“ bilan bir qatorda Eron televideniyesi tomonidan namoyish etilishiga ruxsat berilgan kam sonli animatsion filmlardan biri hisoblanadi.
2011-yilda Bielsko-Byala shahrida Bolek va Lolekning haykali oʻrnatildi.
Belgilar
Multiserial qismlari
Filmlar
Badiiy filmlar
Manbalar
uz.wikipedia.org