Bolanle Awe

Bolanle Awe (yoruba: Bọ́láńlé (Fájẹ́m̄bọ́là) Awẹ́ 1933-yil 28-yanvarda tugʻilgan) — nigeriyalik va yorubalik tarix professori.

Hayoti va faoliyati

Awe 1933-yil 28-yanvarda Nigeriyaning Ilesa shahrida Samuel Akindeji Fajembola va Mosebolatan Abede oilasida tugʻilgan. Uning otasi asli Ibadan shahridan boʻlgan, shuningdek, u kakao savdogari, John Holt & Co, yuk tashish va umumiy savdo kompaniyasining menejeri boʻlib ishlagan. Awening onasi Ilesa shahridan, Bilayirere Qirollik uyining Abede oilasining aʼzosi edi. Awe islom, nasroniylik va yoruba dinining amaldorlari ahil yashagan Ilesa shahrida mashhur boʻlgan. U 8 yoshida oilasi bilan Ibadanga koʻchib oʻtishdan oldin Omofe-Ileshadagi Muqaddas Uch Birlik maktabida oʻqigan va keyinchalik oʻqishni St.James boshlangʻich maktabida davom ettirgan. Awe Kembrijdagi Perse maktabida aʼlo baholarga oʻqigan. Awe Shotlandiyadagi St. Andrews universitetiga oʻqishga kirib, u yerda tarix boʻyicha magistr darajasini olgan, soʻng Oxford universitetida tarix fanlari doktori darajasiga ega boʻlgan. Keyin Awe Nigeriyaga qaytib kelib Ibadan universitetida oʻqituvchi sifatida faoliyat yurita boshlagan.

Awe xuddi shu universitetda professor lavozimiga koʻtarilgan. U ayollarning tarixdagi roli qanday eʼtibordan chetda qolayotganini aniqlashda faol ishtirok etgan va ayollar tadqiqotlari va Nigeriyalik ayollarni oʻrganishning yangi metodologiyalarini muvofiqlashtirishni ragʻbatlantirish uchun Ayollar Tadqiqoti va Hujjatlar Markazini (WORDOC) tashkil qilgan. 1982-yilda u Nigeriya Federativ Respublikasi ordenining amaldori etib tayinlangan.

1960-yil Rojdestvo kunida Awe Olumuyiwa Awega turmushga chiqdi. Ularning farzandlari va nabiralari bor. Uning eri 2015-yilda 82 yoshida vafot etdi.

1990-yildan 1992-yilgacha Ayollar milliy komissiyasining (NCW) birinchi raisi boʻlib ishlagan.

Biroq, 1992-yilda hukumat komissiyani Nigeriyaning birinchi xonimi Maryam Babangida nazoratiga oʻtkazgandan soʻng, oʻz lavozimidan isteʼfoga chiqdi.

1998-yilda Awe nafaqaga chiqdi va keyingi yili Afrika tadqiqotlari boʻlimi u haqida kichik kitob nashr etdi. Nafaqaga chiqqanidan keyin Awe tadqiqotni davom ettirdi va 2005-yilda Nsukkadagi Nigeriya universiteti prorektori boʻldi.

Ishlari

Manbalar

uz.wikipedia.org