Bolalar kuni

Xalqaro bolalarni himoya qilishi kuni bolalarni parvarishlash va ularning huquqlarini himoyalashga bagʻishlangan bayramdir. MDH va boshqa sobiq sotsialistik mamlakatlarda 1-iyun, BMT tavsiyasi bilan esa 20-noyabrda nishonlanadi.

Bayram kuni bolalarga bagʻishlab konsertlar, oqshomlar oʻtkaziladi. Baʼzi istirohat bogʻlari (masalan, Toshkentlend) bolalar uchun bepul attraksionlar ochadi. TVda bolalar uchun film, tomoshalar namoyish etiladi..

Tarixi

1-iyunda Bolalar kunini nishonlash taklifi 1925-yili Jeneva, Shveysariyadagi konferensiyada oʻrtaga tashlangandi. Nega aynan shu sana tanlangani haqida ikki faraz bor: birinchisiga koʻra, oʻsha yilgi xitoylik yetim bolalar uchun uyushtirilgan Duanvu festivali 1-iyunga toʻgʻri kelib qolgan; boshqa faraz esa soddaroq — konferensiya shu kuni oʻtayotgan edi.

20-noyabrdagi Bolalar kuni esa BMT tomonidan 1954-yili chiqarilgan qaror bilan mustahkamlangan.

Manbalar

Havolalar

uz.wikipedia.org