BO’KTAR

BO’KTAR — geografik termin. Ba’zi bir turkiy tillarda, chunonchi qirg’iz tilida, shuningdek o’zbek tilining bir qancha shevalarida, masalan, Zomin, G’allaorol tumanlarida tog’ etagi Bo’ktar deyiladi. Bo’ktar termini Mahmud Koshg’ariyning “Devonu lug’otit turk” asarida ham qayd qilingan va hozir joy nomlari tarkibida uchraydi. Masalan, Zomin tumanida Bo’ktaryo’l degan yo’l bor.

Manba

O'zbekiston Milliy Ensiklopediyasi