Bojan Ciger
Bojan Ciger (1994-yil 18-iyun, Majdanpek Serbiyada tugʻilgan) — serbiyalik professional futbolchi, Malayziya Superligasining Kedah Darul Aman klubida markaziy himoyachi pozitsiyasida toʻp suradi.
Futbolchilik faoliyati
Bojan faoliyatini Serbiyaning „FK Jagodina“ klubi safida boshlagan. „FK Jagodina“ klubi safida 2013—2014-yillar davomida harakat qilib, jamoasi bilan Serbiya kubogi sohibi boʻldi. 2014-yilgi mavsumda maʼlum vaqt „GFK Tabane“ jamosiga ijaraga berildi.2014-yil mavsum yarimida Sebiyaning „Djerdap Kladovo“ jamoasi bilan shartnoma imzoladi. 2015-yilgi mavsumda „Djerdap Kladovo“klubidagi raqobat tufayli jamoadan ketdi va „FK BASK“ klubi bilan shartnoma imzoladi. 2019-yilgi mavsumda Chernogiriya chempionatining „FK Sutjeska Nikšić“ jamoasi bilan shartnoma imzoladi. Chernogoriya jamoasi safida 2018/2019-yilgi mavsumda Birinchi liga chempionligini qoʻlga kiritdi. Chernogoriya klubi bir mavsum davomida toʻp surganidan soʻng 2021-yilda Ciger Serbiyaning „Rad“ jamoasi bilan shartnoma imzoladi. 2021-yilgi mavsum yarmida u Namanganning „Navbahor“ klubiga Samvel Babayan tomonidan taklif etildi. „Navbahor“ jamoasi bilan shartnoma shartlari kelishganidan soʻng, Namangan jamoasi futbolchisiga aylandi. Navbahor jamoasi safida 2 mavsum davomida 44 ta uchrashuvda 2 ta gol urdi. Ciger Navbahor jamoasi safida Oʻzbekiston Chempionatida ikkinchi oʻrinni qoʻlga kiritishida katta rol oʻynadi va Oʻzbekiston Kubogida kumush medal sohibi boʻldi. 2023-yil mavsum boshida „Navbahor“ jamoasi bilan doʻstona hayrlashib, Malayziya chempionati vakili „Kedah Darul Aman“ jamoasi bilan shartnoma imzoladi.
Yutuqlar
Manbalar
Havolalar
uz.wikipedia.org