BODREZAK

---

BODREZAK, Kalina (Viburnum) — shilvidoshlar oilasiga mansub daraxt yoki buta. 125 tacha turi ma’lum. Shulardan Chingiz (V. opulus) ko’p tarqalgan. Balandligi 5 metrcha. Barglari keng, tuxumsimon, o’tkir uchli, 3-5 bo’lakli. Gullari oq, mevasi qizil, danakli. Rossiyaning o’rmon va o’rmoncho’l zonasida, Kavkaz, Qrim, Sharqiy Qozog’istondagi sernam o’rmonlarda ariq va ko’l yoqalarida; botqoq yerlarda o’sadi. O’zbekistonda manzarali o’simlik sifatida ekiladi. Po’stlog’ida viburnin glikozidi, organik kislotalar, oshlovchi moddalar; mevasida 32% gacha qand, vitamin S, oshlovchi moddalar bor. Po’stlog’idan tayyorlangan ekstrakt va qaynatma bachadondan qon ketishini to’xtatadi, hayz ko’rganda paydo bo’ladigan og’riqni qoldiradi. Mevasi xalq tabobatida me’da yarasiga davo qilishda qo’llaniladi.

Manba

---

O'zbekiston Milliy Ensiklopediyasi