BOBO SAVDOYI

---

BOBO SAVDOYI (taxalluslari Xovariy, savdoyi) (15-asr, Abivard) — shoir. Bobo savdoyi qasidanavislikda mashhur bo’lgan. Boysunqur Mirzo saroyida xizmat qilgan, Malik ushshuaro unvoniga ega bo’lgan. Abivardlik shoirlarga ustozlik qilgan. She’rlarida ayrim yuqori tabaqa vakillarini tanqid qilgan. Boysunqur Mirzoga yozgan qasidalarida podshohni oddiy xalqqa shafqat qilishga chaqirgan. Shoir haqida Navoiy (“Majolis unnafois”), Z. Vosifiy (“Badoe ulvaqoe”) asarlarida ma’lumot bor.

Manba

---

O'zbekiston Milliy Ensiklopediyasi