Bjarne Goldbæk

Bjarne Goldbæk (1968-yil 6-oktyabrda tugʻilgan) — daniyalik sobiq professional futbolchi va Eurosportning hozirgi sport eksperti. Hujumkor yarim himoyachi Goldbæk bir qancha xorij klublarida, jumladan Angliyaning „Chelsea“ va „Fulham“ klublarida oʻynagan. 1. FC Kaiserslautern bilan 1990-yilgi Germaniya kubogi turnirida va 1990—1991-yilgi Bundesliga chempionligini yutgan. Daniya terma jamoasi sifatida 28 ta oʻyinda maydonga tushgan va 1998-yilgi FIFA Jahon chempionati va UEFA Yevro-2000 turnirlarida terma jamoasini himoya qilgan

Goldbæk futbol agenti va vaqti-vaqti bilan Bundesliga oʻyinlari paytida Eurosportda futbol sharhlovchisi sifatida ishlaydi.

Klublardagi faoliyati

Kopengagenda tugʻilgan Goldbæk faoliyatini Daniyaning B 1901 klubida boshlagan, 1987-yilda Daniya 1-divizionining eng yaxshi klubi Næstved IF ga oʻtgan. Oʻsha yilning sentyabr oyida Bundesliganing „Schalke 04“ jamoasiga oʻtdi. 1989-yil dekabr oyida 1. FC Kaiserslauternga oʻtdi. Klub bilan 1990—1991-yilgi mavsumda Germaniya Bundesliga chempionligini qoʻlga kiritdi. Keyinchalik Germaniyaning Tennis Borussia Berlin va 1. FK Köln klublarida oʻynagan. 1996-yilda Daniyaga qaytib, F.C.Copenhagenga qoʻshilgan.

„Copenhagen“da tezda jamoaning asosiy futbolchisiga aylandi. 1998-yilda UEFA Kubok egalari kubogida „Chelsea“ga qarshi oʻtkazilgan ikkita oʻyinda urilgan gol va yaxshi oʻyinlardan soʻng "FK Copenhagen"ning eng yaxshi futbolchisi sovrini bilan taqdirlandi. 1998-yilning noyabrida 330 000 funt sterling evaziga Chelseaga qoʻshildi. 2000-yilning yanvarida Fulham uni 650 000 funt sterling evaziga „Chelsea“dan sotib oldi. Fulhamdagi debyutini 2000-yilning yanvarida oʻtkazdi, jamoa bilan oʻz uyida Grimsby Towndan 1:0 hisobida magʻlub boʻldi. „Fulham“ bosh murabbiyi Jean Tigananing jamoasi kuchaygani sari, Goldbækning ishtiroklari kamayib bordi. 2001—2002-yilgi mavsumda atigi 17 ta oʻyinda maydonga tushdi.

2003-yilda „Fulham“ni tark etib, Regionalliga vakili „Rot-Weiss Essen“ klubiga qoʻshildi. 2004-yilda sardor sifatida jamoasi bilan 2. Bundesligaga koʻtarildi, ammo keyingi yili Rot-Weiss Essen yana Regionalligaga tushib ketganligi sababli, Goldbæk 2005-yil yozida faol faoliyatini yakunladi.

Xalqaro faoliyati

Goldbæk Daniya terma jamoasidagi debyutini 1987-yil 18-noyabrda, 1988-yilgi Olimpiada oʻyinlari saralashida Gʻarbiy Germaniya olimpiya terma jamoasiga qarshi oʻyinda oʻtkazdi, jamoa 1:0 hisobida magʻlubiyatga uchradi.

Faoliyat statistikasi

Klub

Xalqaro

Yutuqlari

1. Kaiserslautern

Copenhagen FK

Chelsea

Fulham

Individual

Manbalar

uz.wikipedia.org