BIZERTA
BIZERTA — Tunis shimolidagi shahar. Bizerta viloyatining ma’muriy markazi. Aholisi 95 ming kishidan ziyod. O’rta dengizga kanal bilan tutashgan Bizerta ko’li sohilidagi yirik port, temir yo’l stantsiyasi. Mamlakatning savdo-sanoat markazi. Bizertada dastlab finikiyaliklar, so’ngra qad. rimliklar, 698 yildan arablar, 1535 — 72 yillarda ispanlar hukmronlik qilgan. 1881 — 1956 yillarda Frantsiya protektorati va 1963 yilgacha yirik harbiy-dengiz bazasi bo’lgan. Neftni qayta ishlash zavodi, rangli metallurgiya, tsement, kemasozlik, yengil va oziq-ovqat sanoati korxonalari bor. Hunarmandchilik (gilam, to’r to’qish) rivojlangan. Bizerta orqali chetga temir rudasi, qo’rg’oshin, tsement, zaytun moyi va boshqa qishloq xo’jalik mahsulotlari chiqariladi.
Manba
O'zbekiston Milliy Ensiklopediyasi
TELEGRAM XIZMATLAR
Kanal va guruhlar uchun o'zbek obunachilar
Kanalga o'tish
Uzpedia.uz