BIR EKINLI DEHQONCHILIK, yakka ziroatchilik (monokultura) — bir xil ekinni bir joyda uzoq muddat uzluksiz o’stirish. Bu usul tuproqning fizik va kimyoviy xossalarini yomonlashtiradi, yerda ozuqa moddalarni kamaytiradi, tuproq unumdorligini pasaytiradi. Shuningdek, o’stirilayotgan ekinga moslashgan hasharot va kasallik ko’payadi, dalani begona o’t bosadi. Masalan, bir dalada g’o’za qayta-qayta o’stirilganda vilt kasalligi ko’payib, hosildorlik pasayadi. Yerdan oqilona foydalanish uchun bir ekinni uzoq muddat bir dalaga ekilishiga yo’l qo’ymaslik, dalaga ekinlarni navbatlab turish uchun almashlab ekish joriy qilinadi.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish