BIOELEKTRONIKA
BIOELEKTRONIKA — bionika fanining maxsus yo’nalishlaridan biri. Tirik organizmlarning tuzilishi va ish faoliyatini tahlil qilish asosida elektronika masalalarini yechadi. Quyidagi muammolarni o’rganadi: hayvonot dunyosi va inson nerv sistemasini tekshirish; mavjud kompyuterlarni va aloka texnikasini yanada takomillashtirish hamda avtomatika va telemexanikaning yangi elementlari va qurilmalarini yaratish maqsadida neyronlar va neyron sistemalarini (zanjirlarini) modellashtirish; turli iqtisodiy va texnikaviy masalalarni hal etish; elektron qurilmalarni o’ta ixchamlashtirish va boshqalar. Axborotga ishlov berish qurilmalari biosxemalar asosida yaratilsa, 3 o’lchamli (hajmiy) elektron tizimlarning 1 sm3ga 10’5-1018 ta integral ventilni joylashtirish mumkin. Bu holda bielektron qurilmalarning ishlash tezligi 100-1000 marta oshadi. Bioelektronikaning bu kutilayotgan afzalliklaridan foydalanib.kelajakda o’ta ixcham hajmiy prosessorlar, intellektual robotlar, o’ta mitti tibbiyot asboblari, hujayrani tiklovchi va yaratuvchi molekulyar elementlar va neyrokompyuterlar ishlab chiqish mumkin bo’ladi.
Manba
O'zbekiston Milliy Ensiklopediyasi
Uzpedia.uz