BWF Superseriyasi finali

BWF Superseriyasi finali (2009-yilgacha BWF Superseriyasi Master finali deb nomlangan) yil oxirida oʻtkaziladigan badminton boʻyicha yillik turnir boʻlib, unda oʻsha kalendar yilida BWF Superseriyasining oʻn ikkita musobaqasida eng koʻp ball toʻplagan oʻyinchilar umumiy sovrin uchun kurashadilar. Sovrin kamida umumiy 1 000 000 AQSh dollari miqdoridagi pul jam’gʻarmasiga ega. BWF Superseriyasi finali 2018-yilda BWF World Tour finali bilan almashtirildi.

Tarixi

Superseriya finali 2007-yilda ushbu turnir uchun homiylik yoʻqligi sababli bekor qilingan. 2008-yilgi turnir — oʻsha paytda BWF Superseriyasi Master finali 2008 nomi bilan tanilgan — birinchi marta oʻtkazilgan BFW Superseriyasi finali turniri hisoblanadi va u Kota Kinabalu, Sabah, Malayziyada 2008-yil 18-dekabrdan 21-dekabrgacha boʻlib oʻtgan.

Badminton Butunjahon Federatsiyasi tomonidan eʼlon qilingan yakuniy Superseriya turniridan soʻng Superseriya reytingida faqat eng yaxshi sakkiz oʻyinchi yoki juftlik ishtirok etish huquqiga ega edi; biroq har bir aʼzo assotsiatsiya faqatgina ikkita ariza berish bilan cheklangan. Turnirda sakkiz nafar o‘yinchi yoki juftlik to‘rt kishilik ikki guruhga bo‘linib, eng yaxshi ikki o‘yinchi yoki juftlik yarim finalga yo‘l oladi.

2010-yilgi final bosqichi uchun tanlov 2011-yil yanvar oyida boʻlib oʻtdi. 2014-yilda umumiy mukofot puli ikki baravar ko‘payib, 1 million AQSh dollariga yetdi (oldinroq 500 ming AQSh dollari edi). Dubay, Birlashgan Arab Amirliklari Badminton Butunjahon Federatsiyasi hamkorligi natijasida 2017-yilgacha Superseriya finali oʻtkaziladigan joy boʻldi.

BWF Superseriyasi finali

Tarixi

Gʻoliblar roʻyxati

Millatlar boʻyicha ishtiroklar

Yana qarang

Manbalar