BEREZNIKI (1933 yilgacha Usolesolikamskoe) — Rossiya Federatsiyasi Perm viloyatidagi shahar (1932 yildan). Kama suv ombori sohilidagi port. Temir yo’l stantsiyasi. Aholisi 197,6 ming kishi (1999). Shahar yaqinida 17-asrdan ishga tushirilgan osh tuzi, kaliy va magniy tuz konlari bor. Kimyo sanoati markazi (“Uralkaliy”, “Soda”, “Azot” ishlab chiqarish birlashmalari, kimyo zavodi va boshqalar), titanmagniy kombinati, elektrotexnika, metallsozlik, oziq-ovqat va yengil sanoat korxonalari mavjud. Drama teatri, o’lkashunoslik muzeyi bor. 16 asrdayoq tuz olingan. 1883 yilda Rossiyada birinchi soda zavodi qurilgan.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish