Benjamin Pavard

Benjamin Pavard (talaffuzi: Benjamin Pavard; 1996-yil 28-martda Fransiyada tugʻilgan) — fransuz futbolchisi, Germaniyaning „Bayern München“ futbol klubi himoyachisi. Fransiya terma jamoasi futbolchisi.

Klublardagi faoliyati

Pavard olti yoshida futbol oʻynashni boshlagan. Toʻqqiz yoshida u „Lille“ futbol klubi akademiyasiga koʻchib oʻtgan va uni 2015-yilda tugatgan.

2014-yildan buyon „Lille“ futbol klubining o‘yinchisi boʻlgan. 2014-yilning 30-avgustida „Arras“ futbol klubiga qarshi bahsda debyut qilgan va ikki mavsumda jami 19 ta uchrashuv o‘tkazgan. 2014—2015-yilgi mavsumdan boshlab u asosiy jamoada faoliyat olib borgan. 2015-yilning 31-yanvarida u „Nantes“ futbol klubiga qarshi bahsda debyut qilgan. Hammasi boʻlib, u debyut mavsumida sakkizta oʻyin oʻtkazgan. 2015—2016-yilgi mavsumda u 13 ta oʻyinda ishtirok etgan edi. U asosiy zaxira oʻyinchisi edi va koʻpincha asosiy tarkibda maydonga tushgan oʻyinchilar jarohat olganda, ushbu oʻyinchi ularning oʻrniga maydonga tushgan.

Xalqaro faoliyati

Benjamin Pavard Fransiyaning yoshlar terma jamoalariga jalb qilingan. U 2015-yilgi 19 yoshgacha boʻlgan oʻsmirlar oʻrtasidagi Yevropa chempionatida ishtirok etgan hamda ikkita uchrashuvda maydonga tushgan. Jamoa bilan birgalikda yarim finalga chiqdi. Benjamin Pavard 2017-yilgi yoshlar oʻrtasidagi Yevropa chempionati saralash turnirida ham ishtirok etgan.

2017-yilning kuzida Benjamin Pavardni Fransiya terma jamoasi bosh murabbiyi Germaniyaga qarshi o‘rtoqlik o‘yinlari tarkibiga kiritgan. Benjamin Pavard xalqaro maydondagi debyutini 10-noyabr kuni o‘tkazgan va Germaniyaga qarshi o‘yinda zaxiradan maydonga tushgan.

Futbolchi Argentina terma jamoasi darvozasiga ham gol urgan, keyinchalik bu gol turnirning eng yaxshi goli deb topilgan.

Statsitika

Manbalar

uz.wikipedia.org