Benjamin Angoua
Brou Benjamin Angoua (talaffuzi: Bru Benjamin Angua; 1986-yil 28-noyabrda Kot-d’Ivuarda tugʻilgan) — Kot-d’Ivuarlik futbolchi, „Stade Briochen“ futbol klubi himoyachisi. Kot d’Ivuar terma jamoasida oʻynagan.
Klublardagi faoliyati
Angoua Abidjan chekkasida joylashgan Anyama shahrida tugʻilgan. 2000—2004-yillarda „Toumodi“ futbol klubining yoshlar jamoasida oʻynagan. U „Africa Sports“ futbol klubida professional darajada oʻynay boshlagan. Ikki mavsumda u 41 ta oʻyin oʻtkazgan, shundan soʻng u Yevropaga borib, Vengriyaning „Budapest Honvéd“ futbol klubiga koʻchib oʻtgan.
Vengriyada futbolchi toʻrt mavsum oʻtkazgan va asosiy oʻyinchi boʻlgan. Angoua „Budapest Honvéd“ futbol klubi tarkibida 79 ta oʻyin oʻtkazgan. 2010-yil yanvar oyida Benjamin Fransiyaning „Valenciennes“ jamoasiga oʻtgan. 2014-yilning yozida Angoua erkin agent sifatida „Guingamp“ futbol klubiga oʻtgan. Yangi klubdagi birinchi mavsumdan soʻng u ular bilan uch yilga yangi shartnoma imzolagan.
2017-yilning 27-yanvarida Angoua sotib olish sharti bilan MLSning „New England Revolution“ futbol klubiga bir yilga ijaraga berilgan. U Amerika ligasidagi debyutini 4-mart kuni 2017-yilgi mavsumning ochilish oʻyinida „Colorado Rapids“ futbol klubiga qarshi o‘yinda o‘tkazgan. 3-iyun kuni „Toronto“ futbol klubiga qarshi oʻyinda u MLSdagi ilk golini urgan. 2017-yilgi mavsum oxirida „New England Revolution“ futbol klubi Angouani sotib olmagan.
2018-yilning 30-dekabrida Angoua Gretsiyaning „Levadiakos“ futbol klubi bilan 1,5 yillik shartnoma imzolagan.
2020-yil iyul oyida Angoua Fransiyaga qaytib, milliy chempionatdagi „Stade Briochen“ futbol klubi bilan yana bir yilga uzaytirish imkoniyati bilan bir yillik shartnoma imzolagan.
Xalqaro faoliyati
Angoua Kot-d’Ivuarning turli yoshdagi milliy terma jamoalarida, shu jumladan 2008-yilgi Olimpiadada oʻynagan olimpiya terma jamoasida toʻp surgan.
2009-yildan — asosiy jamoa futbolchisiga aylangan. Futbolchi 2010-yilgi Afrika Millatlar Kubogida ishtirok etgan. U 2010-yilgi jahon chempionati uchun terma jamoaning asosiy tarkibiga kiritilgan.
Statistika
Manbalar
uz.wikipedia.org