Beltepa koʻchasi (Toshkent)

Beltepa koʻchasi — Toshkentning Shayxontohur tumanida, Forobiy va Jarariq koʻchalari oʻrtasida. Uzunligi 1 km oraligʻida. 2005-yilning 28-aprelida nomi yoʻq yangi koʻchaga qoʻyilgan. Koʻchada tramvay yoʻli bor. Beltepa koʻchasining 8 ta tor hamda 3 ta berk koʻchasi mavjud. Koʻcha atrofida koʻp qavatli binolar, yakka tartibdagi uy-joylar, maishiy xizmatlar markazi, savdo va transport vositalariga yonilgʻi quyish shahobchalari bor. Koʻchadan uzoq boʻlmagan joyda Toshkent tibbiyot akademiyasi, Beltepa, Ibn Sino va Jarariq daxalari oʻrin olgan.

Yana qarang

Manbalar

uz.wikipedia.org