BELILA
BELILA (rus), oq bo’yoq — barcha turdagi bo’yoqlar va emallarga qo’shiladigan, rezina, plastmassa, qog’ozni bo’yash uchun mo’ljallangan oq pigmentlarning umumiy nomi. Oltingugurtli, ruxli, surmali, titanli, qo’rg’oshinli Belilalar bo’ladi. Oltingugurtli Belila (litopan, oq bo’yoq) — rux sulfid (ZnS) bilan bariy sulfat Vaѕo 4 arapammasi; kuchsiz kislotalar va ishqorlar ta’siriga chidamli; yorug’lik, havo, nam ta’siriga chidamsiz. Rezina, plastmassa, metallni bo’yashga ishlatiladi. Ruxli Belila (ruxli oq bo’yoq) — tarkibi ZnO. Havo, nam, yorug’lik ta’siriga chidamsiz. Ichki sirtlarni bo’yashda ishlatiladi. Surmali Belila (surmali oq bo’yoq) — tarkibi Sb2O3; havo, nam, yorug’lik ta’siriga chidamli, ammo zaharli. Shu tufayli juda kam ishlatiladi. Titanli Belila (titanli oq bo’yoq) — tarkibi TiO2; suv, kislota va ishqorda erimaydi. Tashki va ichki sirtlarni bo’yashda ishlatiladi. Qo’rg’oshinli Belila (qo’rg’oshinli oq bo’yoq) — tarkibida qo’rg’oshin gidroksid — karbonat 2RSO3 R (on)2 bo’ladi. Maxsus sirtlarni bo’yashda ishlatiladi. Yuqorida aytib o’tilgan Belilalar ichida ruxli va titanli Belilalar ko’p ishlatiladi.
Manba
O'zbekiston Milliy Ensiklopediyasi
TEZ YUK MARKAZ
Yuk markaz elonlari yuk yuborish va yuk tashish
Guruhga kirish
Uzpedia.uz