Bela Khotenashvili
Bela Khotenashvili (gruzincha: ბელა ხოტენაშვილი; 1988-yil 1-iyunda tugʻilgan) — gruzin shaxmat grossmeysteri. U 2012, 2015 va 2017-yillarda shaxmat boʻyicha ayollar oʻrtasidagi jahon chempionatida ishtirok etgan.
Faoliyati
Khotenashivili 2004-yilda 16 yoshgacha boʻlgan qizlar toifasida shaxmat boʻyicha yoshlar oʻrtasidagi jahon chempionatida gʻolib chiqdi.
2009-yilda u Maya Chiburdanidze kubogi turnirida tay-brek boʻyicha Lela Javaxishvilini ortda qoldirdi. 2011-yilda u Eronning Rasht shahrida boʻlib oʻtgan 9th Khazar International Open turnirida „D“ guruhida Nino Batsiashvili bilan birinchi oʻrinni egalladi. Khotenashvili 2012-yilda ayollar oʻrtasidagi Gruziya chempionatida gʻolib chiqdi.
2013 va 2014-yillarda Khotenashivili Tbilisining mezbon shahar nominatsiyasi sifatida FIDE ayollar Gran-prisi seriyasida ishtirok etgan. U Jenevada boʻlib oʻtgan birinchi bosqichda gʻolib chiqdi. Bu gʻalaba bilan u grossmeyster unvoni uchun zarur boʻlgan uchinchi va oxirgi normasiga erishdi. 2014-yil dekabr oyida u Qatar Masters Open musobaqasining birinchi nashrida eng yaxshi ayollar sovrinini qo‘lga kiritdi.
2016-yilda Khotenashvili yana FIDE ayollar Gran-prisi seriyasida ishtirok etdi. 2017-yilda u ikkinchi marta ayollar oʻrtasidagi Gruziya chempionatida gʻolib chiqdi.
Jamoa tadbirlari
Khotenashvili Gruziya terma jamoasi safida 2010-yildan shaxmat bo‘yicha ayollar olimpiadasida, 2011-yildan beri ayollar o‘rtasida shaxmat bo‘yicha jamoaviy jahon chempionatida, 2009-yildan beri esa ayollar o‘rtasida shaxmat bo‘yicha jamoaviy Yevropa chempionatida ishtirok etib kelmoqda. U 2015-yilda Xitoyning Chengdu shahrida bo‘lib o‘tgan shaxmat bo‘yicha ayollar o‘rtasidagi jamoaviy jahon chempionatida jamoaviy va yakka tartibda ikkita oltin medalni qo‘lga kiritdi. Gruziya jamoasi bilan u 2009-yilgi ayollar jamoalari oʻrtasidagi Yevropa chempionatida kumush medalni, 2010-yilda ayollar oʻrtasidagi shaxmat olimpiadasida bronza va 2011-yilgi ayollar jamoalari oʻrtasidagi jahon chempionatida bronza medalini qoʻlga kiritdi.
Shaxsiy hayoti
Tbilisi davlat universitetini tamomlagan, keyin esa Gruziya texnika universitetida oʻqishni davom ettirgan.
Manbalar
uz.wikipedia.org