Begmatov, Ravshanbek Berdaliyevich

Begmatov Ravshanbek (1984-yil, 2-mart; Dangʻara tumani, Fargʻona viloyati, Oʻzbekiston SSR, SSSR) — Oʻzbek siyosatchisi, agronom. Agrar va suv xoʻjaligi masalalari boʻyicha Oʻzbekiston Respublikasi Oliy Majlisi Qonunchilik palatasining deputati. Oʻzbekiston Ekologik partiyasining aʼzosi.

Hayoti

Begmatov Ravshanbek Berdalievich 1984-yil 2-martda Fargʻona viloyatining Dangʻara tumanida tugʻilgan. 2005-yilda Toshkent irrigatsiya va melioratsiya institutini tugatgan, oliy maʼlumotli agronom. 2005-yildan 2014-yilgacha Fargʻona viloyati yetakchi mutaxassisi, keyinchalik bosh mutaxassisi, soʻngra Vodokontrol inspeksiyasi boshligʻi lavozimlarida ishlagan. Biroz vaqt oʻtgach, u Sirdaryo-Suxskiy sugʻorish tizimlarini havzasini boshqarish boʻyicha birinchi oʻrinbosar lavozimiga tayinlandi. 2014-2019 yillarda u Katta Fargʻona magistral kanali boʻlimi boshligʻi boʻlgan. 2019-yildan boshlab u Fargʻona vodiysi kanallarini ekspluatatsiya qilish boshqarmasi boshligʻi etib tayinlandi.

Manbalar

uz.wikipedia.org