BAYDARKA — xipcha yengil qayiq. Eshkaklari ilgaksiz. Rul bilan boshqariladi, rul oyoqda buriladi. Sport Baydarkasi — yaxlit yog’och yoki plastmassa qoplamali, turist Baydarkasi — yog’och, metall yoki plastmassadan yig’ma qobirg’ali qilib yasalib, suv o’tkazmaydigan material qoplangan bo’ladi. Turist Baydarkasi yig’ma holda ko’pincha 2 ta qopga jo bo’lib, og’irligi 27 — 50 kilogramm keladi. 180 — 350 kilogrammgacha yuk ko’tara oladi. Tinch suvdagi poygaga mo’ljallangan sport Baydarkasi yupqa fanerdan yasaladi. Baydarka usti paluba bilan yopilib, 1, 2, 4 nafar eshkakchi uchun lyuklar ishlangan bo’ladi. Bir eshkakchi uchun mo’ljallangan Baydarkaning uzunligi 5,2 metr, kengligi 51 santimetr, og’irligi 12 kilogramm; ikki eshkakchi uchun mo’ljallangani — 6,5 metr; 55 santimetr; 18 kilogramm; to’rt eshkakchi uchun mo’ljallangani — 11 metr; 60 santimetr; 30 kilogramm. Sportchilar ikki kurakli eshkakni oqimga qarab o’tirgan holda eshadilar. Baydarkada poygalar erkaklar o’rtasida 1936 yildan, ayollar o’rtasida 1948 yildan Olimpiya musobaqalari dasturiga kiritilgan.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish