Baxtiyor Sattarov
Baxtiyor Olimjonovich Sattarov (1986-yil 27-mart ; Jizzax, Oʻzbekiston SSR, SSSR) — oʻzbek futbolchisi, asosan yarim himoyachi, hozirda murabbiy. 2016-yilning dekabr oyidan — "Sherdor" klubi bosh murabbiyi.
U 2006-2007 yillarda Samarqandning „Dinamo“ jamoasi safida O‘zbekiston oliy ligasida 13 ta o‘yin o‘tkazgan.
Murabbiylik faoliyati
Oliy maʼlumotli. 2005-yilda Toshkent shahar Respublika olimpiya zaxiralari kollejining murabbiy-o‘qituvchi (futbol) bo‘limini tamomlagan. 2010-yilda Samarqand davlat universitetining yuridik fakultetini tamomlagan.
Murabbiylik faoliyati
„Registon“ FKda Samarqand viloyati chempioni — 2010-yil. 2011-yilda u murabbiy va huquqshunos sifatida ishlagan. 2011-2012-yillarda Yoshlar sport federatsiyasida murabbiylik lavozimida ishlagan.
2012-yilda „FK Sherdor“ MChJni ochdi. 2-liga jamoalari o‘rtasida Samarqand viloyati chempioni va o‘sha yili „SHerdor“ futbol jamoasini Birinchi ligaga olib chiqdi. 2013-yil yanvar oyida Samarqandning „Dinamo“ PFK bosh direktori lavozimida ishlay boshladi. 2013-yil 1-iyundan „Mash’al“ PFKda Yoshlar sport maktabi katta murabbiyi lavozimida ish boshladi. 2014-yildan boshlab Birinchi liganing „Mash’al-2“ jamoasida katta murabbiy, „Mash’al“ sport o‘smirlar sport maktabida yarim stavka bosh murabbiyi, shuningdek, klub huquqshunosi lavozimlarida ish boshlagan. 2015-yil 1-avgustdan „Mash’al“ PFK bosh murabbiyi. 2016-yil 2-oktabrdan boshlab „Sherdor“ futbol klubida direktor va bosh murabbiy sifatida ish boshlagan. 2017-yil 15-maydan buyon „Dinamo-plyus“ PFK qoshidagi „Dinamo“ futbol maktabi direktori lavozimida ishlab kelmoqda. 2018-yil Birinchi ligada „Sherdor“ FK bosh murabbiyi sifatida ish boshladi. 2021-yilda „Mash’al“ PFKda jismoniy tayyorgarlik boʻyicha murabbiy (FIT murabbiyi) lavozimida ishlay boshladi.
Uylangan, to‘rt farzandi bor.
Yutuqlar
Murabbiy sifatida
Registon Sherdor Manbalar
Havolalar
uz.wikipedia.org