Baxtiyor Ibragimov (diplomat)
Ushbu maqola diplomat haqida. Olim haqida Baxtiyor Ibragimov maqolasiga qarang.
Baxtiyor Neʼmatjonovich Ibragimov – oʻzbek diplomati. 2023-yildan Oʻzbekistonning Avstriyadagi elchisi. 2017—2023-yillarda Oʻzbekistonning Birlashgan millatlar tashkilotidagi doimiy vakili.
Maʼlumoti
1989-yilda Toshkent xalq xoʻjaligi institutini tamomlagan.
1993-yilda Malayziya xalqaro aloqalar va diplomatiya institutini tamomlagan.
Mehnat faoliyati
1989—1992 – Oʻzbekiston Fanlar akademiyasi ilmiy xodimi.
1992—1993 – Oʻzbekiston Respublikasi Tashqi ishlar vazirligi xalqaro iqtisodiyot, ilmiy-texnikaviy va madaniy hamkorlik boʻlimining uchinchi kotibi.
1993—1995 – Oʻzbekistonning AQShdagi elchixonasi uchinchi kotibi.
1995—1998 – Oʻzbekiston Respublikasi Tashqi ishlar vazirligi AQSh va Amerika qitʼasi mamlakatlari bilan hamkorlik boshqarmasi ikkinchi kotibi.
1998—2002 – Oʻzbekistonning Koreya Respublikasidagi elchixonasi birinchi kotibi.
2002—2003 – Oʻzbekiston Respublikasi Tashqi ishlar vazirligi Konsullik boshqarmasi xorijdagi faoliyatni muvofiqlashtirish boʻlimining boshligʻi.
2003—2004 – Oʻzbekiston Respublikasi Tashqi ishlar vazirligi AQSh va Amerika qitʼasi mamlakatlari bilan hamkorlik boshqarmasi boshligʻi.
2004—2009 – Oʻzbekiston BMTdagi doimiy vakolatxonasining siyosiy maslahatchisi – missiya rahbari oʻrinbosari.
2009—2011 – Oʻzbekiston Respublikasi Tashqi ishlar vazirligi AQSh va Amerika qitʼasi mamlakatlari bilan hamkorlik boshqarmasi boshligʻi.
2011—2017 – Oʻzbekistonning Koreya Respublikasidagi elchixonasi siyosiy maslahatchisi – missiya rahbari oʻrinbosari.
2017-yil 8-maydan 2023-yil 7-avgustgacha – Oʻzbekistonning BMTdagi doimiy vakili.
2023-yildan Oʻzbekistonning Avstriyadagi, bir vaqtning o'zida Vengriyadagi elchisi.
Favqulodda va Muxtor elchi diplomatik martabasiga ega.
Oilasi
Otasi Neʼmatjon Ibragimov, general-mayor. Uzoq yillar prokuratura tizimida ishlagan. 1983—1985-yillarda OʻzSSR ichki ishlar vaziri boʻlgan. Akasi Ibragimov Dilmurod Neʼmatjonovich, jinoyat ishlari boʻyicha Qibray tumani sudi raisi boʻlgan.
Manbalar
Yana qarang
uz.wikipedia.org