Batirjan Smakov
Batirjan Amangeldiovich Smakov – (qozoqcha: Батыржан Амангелдіұлы Смаков; 1986-yil 13-sentabr, Qaragʻanda, Mayqudiq tumani) – Qozogʻistondagi yagona kontratenor. Qozoq milliy sanʼat universiteti „Xor dirijyorligi“ kafedrasi mudiri.
Biografiyasi
"Qozoqkonsert" bilan „Ostona Opera“ teatrining maxsus taklif etilgan solisti, QazMUU aralash xorning badiiy rahbari va dirijyori. Shuningdek, Italiyadagi „Coro Lirico Perla Verde“ xor va Nyu-Yorkdagi „Global Music Partnership“ dirijyori.
U „Jas Darin“ (Qozogʻiston), „Tanisu“ (San-Marino), „Jumeirah Sounds“ (BAA), „Young Talents World Festival“ (Nyu-York) kabi xalqaro tanlovlar hakamlar hay’atining hurmatli aʼzosi.
2011—2017-yillarda oraligʻida Italiyaning Osimo shahridagi Xalqaro opera akademiyasida xor dirijyorligi boʻyicha, soʻngra Pesaro shahridagi Joakkino Rossini nomidagi konservatoriyasida tahsil olgan va keyin qizil diplom bilan magistraturani tamomlagan.. 2016-yilda suriyalik bolalarga yordam berish uchun bir qator xayriya kontsertlaridan soʻng YuNESKOning Butunjahon rassomi unvoniga sazovor boʻldi.
2016—2017-yillarda Ostana Opera teatrida „Orfeyning qaytishi“ deb nomlangan ikkita yakkaxon konsert berdi.
2018-yilda Qozogʻistonning „100 ta yangi ism“ loyihasi gʻolibi boʻldi.
2020-yil 26-fevralda Nyu-Yorkdagi Karnegi Xoll kontsert zalida chiqish qildi.
2020-yil may oyidan Shabyt talabalar kinostudiyasi negizida „Shabit Music Hotel“ onlayn konsertlari muallifi.
2021-yil yanvar oyidan „Qozogʻiston Bastakorlar uyushmasi aʼzosi“.
2022-yildan „Qozogʻiston musiqachilar uyushmasi aʼzosi“.
2022-yil 21-iyulida Italiyaning Genuya shahridagi „Karlo Felice“ teatri sahnasida birinchi konsert boʻlib oʻtdi. U dunyoning koʻplab mamlakatlarida, jumladan Italiya, Fransiya, AQSh, Misr, Iordaniya, Rossiya, Polsha, BAAda yakkaxon konsertlar berdi. Qozoq musiqasini xorijda targʻib qilishda faol ishtirok etadi. Uning portfelida toʻrtta diskografiya albomi bor.
Mukofotlar
Manbalar
uz.wikipedia.org