Batchimeg Tuvshintugs

Batchimeg Tuvshintugs (Tüvshintögsiin) (moʻgʻ.: Түвшинтөгсийн Батчимэг, Tüvshintögsiin Batchimeg; 1986-yil 3-mayda tugʻilgan) — xalqaro shaxmat ustasi (IM) va ayol grossmeyster (WGM) unvonlariga ega boʻlgan mongoliyalik shaxmatchi. 2016-yilda Batchimeg Mongoliyada xizmat koʻrsatgan sportchi unvoniga sazovor boʻldi.

Faoliyati

Batchimeg 2011-yil va 2016-yillarda shaxmat bo‘yicha ayollar o‘rtasidagi Mongoliya chempionatida g‘olib chiqqan. Umumjamoa hisobida u 2002-yil, 2012-yil, 2014-yil va 2016-yillarda ayollar shaxmat olimpiadasida, 2012-yil va 2016-yillarda ayollar o‘rtasidagi jamoaviy Osiyo chempionati va 2010-yilgi Osiyo o‘yinlarida Mo‘g‘ulistonni himoya qilgan.

U 2005-yildan 2009-yilgacha, Qoʻshma Shtatlar vakili boʻlgan. 2006-yilda Batchimeg 2-martdan 11-martgacha San-Diegoda (Kaliforniya) oʻtkazilgan shaxmat boʻyicha AQSh chempionatida ishtirok etdi. Bu yerda u grossmeysterlarga qarshi (Aleksandr Fishbeyn, Yuriy Shulman, Boris Kreyman, Boris Gulko va Xulio Beserra) dastlabki besh raundda 3½ ochko toʻpladi bu esa katta natija edi. Uning ushbu musobaqadagi chiqishi unga ayol grossmeyster va xalqaro usta unvoniga sazovor boʻldi.

2013-yil va 2014-yillarda u FIDE ayollar Gran-prisi seriyasida qatnashgan. Jenevada boʻlib oʻtgan birinchi bosqichda u birinchi oʻrinni egallagan Hou Yifanni magʻlub etdi. Batchimeg Sharjada oʻtkazilgan oʻyinda oʻzining eng yaxshi natijasini qoʻlga kiritdi, u yerda u Harika Dronavalli, Chjao Syue va Anna Ushenina bilan birgalikda uchinchi oʻrinni egalladi va grossmeyster unvonini qoʻlga kiritdi. U shaxsiy hayoti haqida juda kam gapiradi, lekin u doim yaqinlari bilan vaqt oʻtkazishni yaxshi koʻradi.

Manbalar

uz.wikipedia.org