Barath Botond
Barath Botond (talaffuzi: Barat Botond) — vengriyalik futbolchi, „Budapest Honvéd“ klubi va Vengriya terma jamoasining markaziy himoyachisi.
Faoliyati
Jamoalardagi faoliyati
Barath Botond professional faoliyatini Budapeshtning „Honvéd“ klubida boshlagan. U „Honvéd“ jamoasiga birinchi marta 2009-yil 16- mayda „Kecskeméti“ jamoasiga qarshi milliy chempionat oʻyini uchun ariza topshirgan. Barath Botond keyingi uch mavsumni asosan „Honvéd“ning ikkinchi jamoasida oʻtkazgan. U 2010-yilning 10-martida „Debrecen“ga qarshi Vengriya Liga kubogi bahsida „Honvéd“ning asosiy jamoasida debyut qilgan. Barath Botond chempionatdagi debyutini 2012-yilning 5- avgustida „Diósgyőr“ jamoasiga qarshi oʻyinda oʻtkazgan. 2012-yil 10-noyabrda „Egri“ jamoasiga qarshi oʻyinda u „Honvéd“ jamoasi uchun birinchi golini raqib darvozasiga kiritdi. 2016-2017-yilgi mavsumda u „Honvéd“ klubiga 24 yil ichida birinchi liga chempionligini qoʻlga kiritishiga yordam bergan.
2018-yilning 18-dekabrida Barath Botond MLSning „Sporting Kansas City“ klubi bilan yana bir yilga uzaytirish imkoniyati bilan ikki yillik shartnoma imzolagan. Barath Botond „Sporting“ uchun debyutini 2019-yilning 3-martida „Los-Anjeles“ga qarshi mavsumning ochilish raundidagi oʻyinida oʻtkazgan. 2019-yil 24-avgustda u „Sporting“ farm klubida „Swope Park Rangers“ USL chempionatida „New York Red Bulls II“ga qarshi oʻyinda oʻynagan. 2019-yil 25-sentyabrda „Minnesota United“ jamoasiga qarshi oʻyinda u „Sporting“ uchun birinchi golini urgan.
2020-yil 11-iyulda Barath „Budapest Honvéd“ga qaytgan.
Xalqaro karyerasi
Barath Botond Vengriya terma jamoasidagi debyutini 2018-yilning 15-oktabr kuni UEFA Millatlar ligasining 2018-2019-yilgi mavsumida Estoniyaga qarshi o‘yinda o‘tkazdi.
Statistikasi
Yutuqlari
Jamoaviy yutuqlari
„Budapest Honvéd“
Manbalar
uz.wikipedia.org