BARANOVSKIY YEVGENIY NIKOLAYEVICH

BARANOVSKIY YEVGENIY NIKOLAYEVICH [1907.15 (28). 3, Orenburg – 1981.5.9, Moskva] — balet artisti, baletmeyster. O’zbekistonda xizmat ko’rsatgan san’at arbobi (1955). Dastlab tsirkda akrobatlik qilgan. 1929 — 39 yillarda Toshkent opera va balet teatrida raqqos, ayni vaqtda E. Obuxovadan mumtoz raqs, usta olim Komilov, M. Turg’unboyevadan o’zbek raqsini o’rgangan. 1939 — 48 yillarda Navoiy teatri baletmeysteri. Baranovskiy O’zbek Davlat filarmoniyasi (1949 — 56) va Muqimiy teatrida (1956 — 68) bosh baletmeyster. Bir qancha balet va musiqali dramalar raqslarini sahnalashtirgan. Uning “Baliqchi”, “Oq oltin”, “Mirzacho’l”, “Paxtakor” kabi estrada raqslari xam mashhur. 1939 — 43 yillar M. Turg’unboyeva bilan hamkorlikda “Paxta”, “Xorazm raqsi”, “Askarlar”, “Tanavor” kabi raqslarni yaratgan.

Manba

O'zbekiston Milliy Ensiklopediyasi