BAL’AMIY ABU ALI MUHAMMAD IBN MUHAMMAD

BAL’AMIY ABU ALI MUHAMMAD IBN MUHAMMAD (? — 974, Buxoro) — tarixchi olim, davlat arbobi. Somoniylardan Abdulmalik ibn Nuh (954— 961) va Mansur ibn Nuh (961 -976) zamonida bosh vazir bo’lgan. U 963 yil Tabariy (839 — 923) ning “ta’rix ulanbiyo var-Rasul val-muluk val-Xulafo” (“Payg’ambarlar, podshohlar va xalifalar tarixi”) nomli yirik asarini fors tilida qaytadan yozgan. U Sharqda 9-asrgacha bo’lgan siyosiy voqealarni o’zida aks ettirgan, O’rta Osiyoda yangi fors tilida bitilgan birinchi asar bo’lib Tabariyning Arab tilida yozilgan va Leydenda (1879 — 89) nashr etilgan yuqoridagi asariga qaraganda aniq ma’lumotlarga boy va ayrim hollarda mufassalroqdir. Aftidan, Bal’amiy Tabariy asarining avvalgi to’laroq nusxalaridan foydalangan. Bal’amiyning bu asari chet tillarga tarjima qilingan.

Manba

O'zbekiston Milliy Ensiklopediyasi