BADAYEV NIKOLAY DMITRIYEVICH [1915.21.4 (4.5), mordva, Torbeevo stansiyasi — 1990.6.5, Samarqand] — aktyor, rejissyor. O’zbekiston xalq artisti (1964). Ashxobod, Tambov, Poltava shahri teatrlarida, 1946 yildan Samarqanddagi viloyatlararo rus drama teatrida ishlagan. Uning Yago (U. Shekspir, “Otello”), Mullado’st, Norboyvachcha (Hamza, “Maysaraning ishi”, “Xolisxon”), Tursunov (S. Azimov, “Assalom yulduzlar”), Shayxulislom (M. Shayxzoda. “Mirzo Ulug’bek”) kabi obrazlari yorqin va ta’sirchan. Badayev bir qancha asarlarni sahnalashtirgan; o’zbek filmlarida suratga tushgan.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish