Babiun

---

Babiun , sariq maymun (Papio cynocephalus) — pavianlar urug‘iga mansub maymunlarning bitta turi. Tanasining uz. 75 sm, dumi 60 sm gacha. Afrikaning Angoladan boshlab Shim.Mozambikkacha bo‘lgan hududlarida, shuningdek Keniya va Jan. Somalida tarqalgan. Tog‘ va dashtlarning daraxtlar bo‘ladigan joylarida yashaydi. Kechasi daraxtlarga chiqib yotadi, kunduzi faol hayot kechiradi. Juni och sariq bo‘lganidan sariq maymunlar ham deb ataladi. B. o‘simliklar ildizi, mevasi va yosh novdalari, har xil hasharotlar b-n oziqlanadi. O‘simliklar b-n oziqlanishi tufayli q.x.ga birmuncha ziyon keltiradi. B. qo‘lga tez o‘rganadi.

Manba

---

O'zME
Wikipedia