Babaji xotin maqbarasi

---

Babaji xotin maqbarasi - Qozog‘iston (Taroz sh. yaqinida)dagi me’moriy yodgorlik (10 — 11-a.lar). Maqbara murabba tarhli (tashqarisi 6,80x6,80 m, ichkarisi 4,5x4,5 m). Old va ikki yon tarzlariga bir xilda chuqur ravoqli eshiklar, yoniga kichik yassi ravoqlar, tepasiga turunjlar ishlanib, atrofi hoshiyalar b-n chegaralangan. Bosh tarzidagi islimiy naqsh va kitobasida yozuvi saqlangan. Poygumbazi (1 m ga yaqin) 16 qirrali, usti kulohiy gumbaz b-n qoplangan (gumbazi qulab tushgan). Bino devorining quyi qismiga zilzila ko‘zda tutilib, yog‘och ishlatilgan. B. x. m. o‘rta asr me’morligining nodir namunalaridan.

Manba

---

O'zME
ruh.kz