AYIQO’T (Tithymalus rapulum) — sutlamadoshlar oilasiga mansub tuganakli ko’p yillik o’simlik. Bo’yi 8-25 santimetr. Poyasi yakka, tsilindrsimon. Barglari mayda, yassi. Mevasi (ko’sagi)ning uzunligi 4-5 millimetr, shakli tuxumsimon. Martda gullab, iyunda meva beradi. Toshkent, Samarqand va Buxoro viloyatlaridagi adir va tog’zonalarida o’sadi. Ayiqo’tning tuganaklarida 5% gacha smola va 0,5—0,6% kauchuk bo’lib, smola tarkibida uchuvchan zaharli modda bor. Ayiqo’tning quritib maydalangan yer osti qismi (tuganagi) xalq tabobatida sil kasalligini davolashda, shuningdek, surgi sifatida ishlatiladi.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish