AVTOMATIKA

---

AVTOMATIKA (Yunoncha Automatos — o’zi harakatlanuvchi) — 1) Avtomat holatda (odam ishtirokisiz) ishlaydigan qurilmalar va tizimlar yaratish haqidagi nazariy va amaliy bilimlarni o’z ichiga olgan fan va texnika sohasi. Avtomatika fani har xil texnologiya jarayonlarini boshqarish va nazorat qilishning texnikaviy vositalari bilan shug’ullanadi. Avtomatika kibernetika fanining rivojlanishi natijasida paydo bo’lgan “texnikaviy kibernetika” bo’limining tarkibiy qismi hisoblanadi; 2) avtomat tarzda ishlaydigan mexanizmlar, qurilmalar va tizimlar majmui.

Manba

---

O'zbekiston Milliy Ensiklopediyasi