AVSTRIYA-TURKIYA URUSHLARI
AVSTRIYA-TURKIYA URUSHLARI (16-18-asrlar) — Bolqon yarim orolning shimoliy qismi va Vengriya qirolligi hududiga egalik qilish uchun olib borilgan urushlar. Turk qo’shinlari Vena shimolni qamal qilishi (1529) bilan boshlangan. 1540-47, 1551-62, 1566-68, 1660-64 yillardagi Avstriya –Turkiya urushi natijasida Vengriya qirolligi hududi taqsimlab olindi. 1683-99 va 1716-18 yillardagi urushda Usmonli turk imperiyasi unga qarshi ittifoqchi davlatlar (Avstriya, Polsha, Venesiya, 1686 yildan Rossiya) tomonidan mag’lub etildi. Turkiya Yevropadagi katta hududlaridan ajraldi. 1737-39 va 1788-90 yillardagi Avstriya –Turkiya urushi (1735-39 va 1787-91 yillardagi Rossiya-Turkiya urushlari bilan qo’shilib ketgan) Avstriya uchun muvaffaqiyatsiz tugagan, natijada Turkiya Serbiya va Valaxiyaning bir qismini qaytarib olishga erishgan.
Manba
O'zbekiston Milliy Ensiklopediyasi
TEZ YUK MARKAZ
Yuk markaz elonlari yuk yuborish va yuk tashish
Guruhga kirish
Uzpedia.uz