AVSTRALIYA MERINOSI – mayin junli qo’y zoti. 18-asrda Avstraliyada olingan. Avstraliya merinosi qo’chqorlarining o’rtacha vazni 60-70 kilogramm, sovliqdariniki 35— 40 kilogramm, qo’chqorlaridan 5,5—6,5 kilogramm, sovliqlaridan 4-5 kilogramm jun qirqib olinadi. 50-60% toza jun chiqadi. Jun tolasining uzunligi — 7,5 santimetr (ayrim tiplarida 10 santimetrgacha), ingichka, yaltiroq, undan mayin mato to’qiladi. Ko’p mamlakatlarda Avstraliya merinosidan qo’y zotlarini yaxshilashda foydalaniladi. O’zbekistonda boqiladigan groznen qo’y zoti Avstraliya merinosi bilan chatishtirishdan olingan.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish