AVSTRALIYA ALP TOG’LARI
AVSTRALIYA ALP TOG’LARI – Avstraliyaning Janubiy-sharqidagi katta suvayirg’ich tizmaning eng baland va parchalangan qismi. Uzunligi qariyb 400 km, eni 150 km. Granit intruziyalari bo’lib-bo’lib yuborgan paleozoy jinslaridan tashkil topgan. Balandligi 2230 metrgacha (Kossyushko tog’i, materikning eng baland cho’qqisi). Baland tog’larda to’rtlamchi davr muzliklarining izlari saqlangan. Tog’larning shimoliy-g’arbiy yon bag’ridan Avstraliyaning eng katta daryosi — Murrey boshlanadi. Avstraliya Alp tog’lari 1200 metr balandgacha evkalipt, daraxtsimon paporotnik o’rmonlari bilan qoplangan. Undan balandda qing’ir qiyshiq daraxtlar, butazorlar va Alp o’tloqlari bor.
Manba
O'zbekiston Milliy Ensiklopediyasi
TELEGRAM XIZMATLAR
Kanal va guruhlar uchun o'zbek obunachilar
Kanalga o'tish
Uzpedia.uz