AUDIENTSIYA (lotincha audentia — tinglash, quloq solish) — davlat va jamoat arboblari tomonidan chet el diplomatik vakillarining rasmiy qabul qilinishi. Xalqaro huquqda Audientsiya — davlat boshlig’ining diplomatik vakilni qabul qilishi. Bir davlat vakilining o’z ishonch yorlig’ini yoki chaqirib olish yorlig’ini topshirishi ham Audientsiyadir. 1815 yil 19 martda Venada diplomatik vakillar to’g’risida qabul qilingan reglamentga muvofiq bevosita davlat boshlig’idan Audientsiya surashga faqat Muxtor elchi darajasidagi vakilninggina huquqi bor. Muvaqqat ishlar vakili va boshqa darajali diplomatik vakillar Audientsiya haqida shu davlat tashki ishlar vaziri orqali iltimos qilishi mumkin.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish