ATOMIZM

---

ATOMIZM (Yunoncha atomon — bo’linmas) — hamma narsalar mustaqil element (atom)lardan tuzilgan, barcha narsaning sodir bo’lishi bu elementlarning aralashishi, birlashishi va bo’linishiga asoslanadi, deb hisoblaydigan ta’limot. 19 – asr oxirigacha Atomizm materiya alohida bo’linmas zarralar — atomlardan tashkil topgan deb uqtirib keldi. Hozirgi Atomizm nuqtai nazaridan elektronlar — elektr “atomlari”, fotonlar — nur “atomlari” va hokazolardir. Yanada kengrok, ma’noda Atomizm ob’yektning diskret (dona-dona), jarayonning, xossaning uzlukliligini bildiradi. Bu ta’limot materiyaning so’nggi, o’zgarmas mohiyati mavjudligini inkor etadi, uning miqdor va sifat jihatdan nihoyasizligiga asoslanadi.

Manba

---

O'zbekiston Milliy Ensiklopediyasi