ATEKATLAR, antomeduzalar (Athecata) — dengiz gidropoliplari turkumi. Koloniya bo’lib yashaydi. Koloniyasi butaga o’xshash, suv tubini, chig’anoqlar, suv o’tlari va suv ostidagi boshqa narsalarni qoplab oladi. Atekatlar koloniyasidagi ayrim individlarning himoya g’ilofi — gidrotekasi bo’lmaydi. Atekatlar juda mayda (1 millimetrgacha), ayrim vakillari (Tubularia urug’i) bir necha santimetrdan 70 santimetrgacha, ba’zan 2,3 metrgacha (Branchiocerianthus imperator) bo’ladi. Meduzalari juda mayda (soyabonining diametri 5 millimetrdan 3 santimetrgacha). Polip davrida kurtaklanib ko’payadi. Meduzalari ayrim jinsli, jinsiy hujayralari og’iz paypaslagichlari ektodermasidan hosil bo’ladi. 200 ga yaqin turi ma’lum, ochiq dengizlarda uchraydi.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish