ASHULA YO’LI – 1) cholg’u kuylarining ashula yo’llari. Masalan, bastakor I. Ikromov moslagan “Munojot”, “Cho’li Iroq”, “Mushkiloti Dugoh” singari cholg’u kuylarning ashula varianti; 2) O’zbekistonning turli joylarida hofizlik maktablariga xos ijrochilik-ijodchilik an’analari. Masalan, Buxoro, Samarqand Ashula yo’llari, Xorazm Ashula yo’llari, Farg’ona-Toshkent Ashula yo’llari va hokazolar; 3) atoqli hofizlarning ijrochilik-ijodchilik uslubiga xos asarlar. Masalan, “Ushshoqi Hoji 1—P” (Hoji Abdulaziz Abdurasulov talqinida tanilgan “Ushshoq” yo’llari), “Ushshoqi Sodirxon” (Sodirxon Bobosharifov yo’li), “To’ychi Hofiz ushshog’i” (Mulla To’ychi Hofiz Toshmuhamedov yo’li).
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish