ARTISHOK (supaga) — ko’p yillik va bir yillik sabzavot ekini. O’rta dengiz mamlakatlarida 10-11 turi o’sadi. Frantsiya, Italiya, Hindiston, Jazoir va boshqa mamlakatlarda ekiladi. Rossiyaning Janub, Moldaviya, Ukrainada tikanli Artishok (S. scolymus L.) turi ko’proq ekiladi. Artishok juda sershox bo’lib, bo’yi 2 metrgacha boradi. Gullari ko’k-binafsha rangda, yirik to’pgul hosil qiladi (bir to’pguli og’irligi 100-200 gramm). Seret gulbandi va savatcha to’pguli ovqatga ishlatiladi. Artishokda qand, oqsil (2,5-3%), uglevod (7-15%), S (0,4 mg%), V, V2 vitaminlari, karotin, urug’ida 30% gacha moy bor. Xom va konservalangan, qaynatilgan Artishok souslar bilan iste’mol etiladi, salatlar tayyorlanadi. Uglevodlari tarkibida diabet kasalliklari uchun foydali bo’lgan inulin bor. Janub zonalarda 3— 4 yillik, sovuq kuchli zonalarda bir yillik ekin, 100×80 santimetr sxemada ekiladi. Hosildorligi 50-250 tsentner/gektar (15— 50 ming to’pgul). Artishok odatda ko’p yillik ekin tarzida ekilgandan so’ng ikkinchi yili gullaydi. O’zbekiston o’simlikshunoslik ilmiy tadqiqot institutida Artishokni rayonlashtirish o’rganilmoqda.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish